Plantun de Prouvènço

Pèr coumpara dos planto d'encò nostre

Limonium echioides & Epilobium dodonaei subsp. dodonaei

Limonium echioides

Plumbaginaceae

Nom en français : Limonium annuel.

Descripcioun :
Aquesto saladello, la souleto de l'an, trachis dins li tepiero sablouso e secarouso majamen en ribo de mar. Fai uno rouseto de fueio espatulado emé de costo penado. Se recounèis subretout que li "calice" di flour porton de dènt croucudo, ço que se vèi bèn à la cabusso di petalo. L'óuviero èi peréu cubert de pichòti berrugo (fotò). Au contro dis àutri saladello, flouris tre lou mes de mai e quàsi pas l'estiéu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Limonium
Famiho : Plumbaginaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : 0 à 200 m
Aparado : Vo
Mai à jun

Liò : Tepiero sablouso - Mar - Sansouiro
Estànci : Mesoumediterran
Couroulougi : Estenoumediterrano
Ref. sc. : Limonium echioides (L.) Mill., 1768

Epilobo(-di-fueio-de-roumanin)

Epilobium dodonaei subsp. dodonaei

Onagraceae

Noms en français : Epilobe à feuilles de romarin, Épilobe de Dodoens.

Descripcioun :
Epilobo que trachis en ribo d'aigo e dins lis esboudèu. Se recounèis subretout à si lòngui fueio que dounon d'èr à-n-aquéli dóu roumanin. La subsp. Dodonaei s'atrobo en plano fin qu'à l'estànci mountagnard. Sis estile soun de memo loungour que lis estamino.

Usanço :
Tant se poudrié qu'aguèsse li mémi usanço medicalo que lis àutris epilobo, pamens avèn pas d'entresigne segur pèr aquelo. Li jòuini fueio de la subsp. fleischeri èron acampado à passa tèms en Savoio e mesclado i soupo.